¤¦¤`•.•`(كرسي الاعتراف مع -× Hεђο -) `•.•`¤¦¤

¤¦¤`•.•`(كرسي الاعتراف مع -× Hεђο -) `•.•`¤¦¤

بــكــل حــب وإحــتــرام وشــوق
نــســتــقــبــلك ونــفــرش طــريــقــك بــالــورد
ونــعــطــر حــبــر الــكــلــمــات بــالــمــســك والــعــنــبــر

ونــنــتــظــر الإبــداع مــع نــســمــات الــلــيــل
وســكــونــه

لــتــصــل هــمــســات قــلــمــك وردودكـ إلــى قــلــوبــنــا
وعــقــولــنــا

نــنــتــظــر بــوح قــلــمــك

- واهلا وسهلا فيك معنا بكرسي الاعتراف -

و انا رح بلش بالاسئلة :

- شو هدفك بالحياة ؟
- شو الشي اللي بتتمنى تمحيه من الوجود لو كان [ انسان - حيوان - شي نفسي ]
- شو بيعنيلك الحوار ؟
- شو رايك بالاعضاء الحاليين ؟
- ليش سميت المنتدى أوتار ؟
- موضوع الادارة سهل ؟ ولو سهل او صعب كيف بتحاول تمشي الامور ؟
- شو رايك بالكلمات التالية :
- الشمس :
- القمر :
- السماء :
- الحياة :
- النجوم :
- الحب :
- شو رايك بالمغنين هدوول : [ بكلمة وحدة أو كلمتين ] ماتحط القابهون
- نجوى كرم :
- ميادة الحناوي :
- ماجدة الرومي :
- فضل شاكر :
- وائل كفوري :
- نانسي عجرم :
- هيفاء وهبي :

أهلين حمودة منور الكرسي Laughing

دير بالك ع الكرسي لنقوم تكسره geek

و شكرا رهف ع الفكرة المميزة .. و بدنا نتعبه لحمودة بأسئلتنا اللي إلها طعمة و اللي مالها طعمة king

أسئلتي :

- إمتى بتشعر إنك قريب من حالك ؟
- بتحب التركش كوفي ؟
- شو الأكلات اللي بتعرف تطبخها ؟
- ليش بتعصب أحيانا ع شغلات تافهة Laughing

و كمان بدي ياك تحكي قصة لما إنت كسرت موبايلك وقت كنا أنا وياك و نور مع بعض بسوريا Embarassed

إلي رجعة أكيد

بسم الله
رهف يعني ما لقيتي غيري

رنيم ما تخافي ما راح اكسر الكرسي .. شو شايفتيني دب وزني 500 كيلو
و الله اللي بيسمعك بيقول انك دافعة دم قلبك ع هالكرسي

ثواني و برجع لجاوب ع أسئلتكم ..

bk

أسئلة رهف

شو هدفك بالحياة ؟
إنو أوصل للي بدي ياه .. و كون متل ما أنا بدي .. مو بس ما بدها الناس .. و هدفي إنو عيش .. لأنو الحياة أحلى من اللي منتوقعه بكتير .. و بتستاهل إنو نعيشها

شو الشي اللي بتتمنى تمحيه من الوجود لو كان [ انسان - حيوان - شي نفسي ]
لو فيني ألغي الخيانة كنت لغيتها .. بس ما فيني .. لأن هالشغلة بالذات معشعشة بقلوب أغلبية العرب Rolling Eyes

شو بيعنيلك الحوار ؟
الحوار فرصة لتبادل الأراء بين تنين أو أكتر .. و الحوار ما بيكون ناجح إلا بعقلانية الطرفين المتحاورين أو الاطراف المتحاورة .. و لازم اللي بدو يحاور بأي موضوع يكون عندو أدلة و حجج و أراء منطقية يقولها .. لأنو إذا خربط بشي واحد بالحوار أو حكى شي مو موزون ، ضاع منه أهم شي بالحوار و هو إقناع الأطراف المتحاورة التانين ..

ليش سميت المنتدى أوتار ؟
ما راح كذب عليكي و قلك إنو في سبب معين خلاني سمي المنتدى أوتار .. بس هيك أنا بحب هالإسم Smile

.. و من جهة تانية لما لقيت هالستايل لقيت كلمة ( أوتار ) مكتوبة عليه .. قلت خير و بركة ، و سميت المنتدى أوتار

موضوع الادارة سهل ؟ ولو سهل او صعب كيف بتحاول تمشي الامور ؟
سهل !!
لأ أكيد مالو سهل بالمرة .. لأن بالنهاية هو مسؤولية
يعني الواحد لما بيكون إدارة .. راح يكون مسؤول ع كل مواضيع المنتدى و الردود و الأعضاء
لأن إذا صار غلط و هالمدير ما انتبه عليه .. ضاعت سمعة المنتدى
و أهم شي إن المدير يكون قريب من الأعضاء .. ما يكون لئيم معهم يعني
لأن المدير بلا أعضاء ما بيقدر يشتغل أكيد

شو رايك بالكلمات التالية :

- الشمس : نور الدنيا
- السماء : صفاء النفس
- حياة : أكبر تكريم من الله للإنسان هو إنه شرفه للإنسان بشرف الحياة
- النجوم : علامات تعجب
- الحب : حاليا هالكلمة فقدت قيمتها .. لهيك تقريبا بطلت تعنيني شي

شو رأيك بالمغنين هدوول

- نجوى كرم : مطربتي المفضلة
- ميادة الحناوي : حنجرة ذهبية
- ماجدة الرومي : صفاء و نقاء الصوت
- وائل كفوري : تحفة فنية
- نانسي عجرم : مترجمة إحساس القلوب
- هيفاء وهبي : حالة خاصة

اهلين وسهلين حمودة Laughing

كيفك ؟
منور الكرسي بس دير بالك عليه أحسن ماتكسرو متل مائالت رنيموو bounce

محمود والله مافي ببالي اسئلة هلا لاسئلك ياها ..
انشالله برجع اسأل ...

منور وشكرا لالك رهوووفتي I love you

أسئلة رنيم

- إمتى بتشعر إنك قريب من حالك ؟
لما بكون لحالي ..

- بتحب التركش كوفي ؟
أكيد و لو

- شو الأكلات اللي بتعرف تطبخها ؟
أندومي ، سلطة ، بيض مقلي ، بيض مسلوق ، معروكة سباكيتي .. هاد اللي بتزكرو Very Happy

يعني هيك أكلات خفيفة بعرف tongue

- ليش بتعصب أحيانا ع شغلات تافهة و كمان بدي ياك تحكي قصة لما إنت كسرت موبايلك وقت كنا أنا وياك و نور مع بعض بسوريا

مو دايما بعصب ع شغلات تافهة .. بس لما بكون معصب من قصة معينة
بصير بعصب ع كل شي تافه و ع كل شي بيستاهل
و بالنسبة للقصة
سمعو
مرة كنا أنا و نور و رنيم بسوريا عم نتمشى .. كانت السابعة حوالي تسعة او عشرة المسا Rolling Eyes

فصاروا نور و رنيم يتوشوشوا
سألت رنيم إنو شو قالت لنور
قالتلي مو شغلك Embarassed

قام أنا عصبت و رميت الموبايل بالأرض و كسرته .. وليي شو كنت غبي ههههههه
بس هيك صار
تنذكر ما تنعاد
بس بعدين تصالحنا طبعا ..

شكراً ع أسئلتك رنومة ..

اقتباس :

مو دايما بعصب ع شغلات تافهة .. بس لما بكون معصب من قصة معينة
بصير بعصب ع كل شي تافه و ع كل شي بيستاهل
و بالنسبة للقصة
سمعو
مرة كنا أنا و نور و رنيم بسوريا عم نتمشى .. كانت السابعة حوالي تسعة او عشرة المسا
فصاروا نور و رنيم يتوشوشوا
سألت رنيم إنو شو قالت لنور
قالتلي مو شغلك
قام أنا عصبت و رميت الموبايل بالأرض و كسرته .. وليي شو كنت غبي ههههههه
بس هيك صار
تنذكر ما تنعاد
بس بعدين تصالحنا طبعا ..

لك زكرتوني أيامـ والله ..
بس كمان انت مو منشان هيك عصبت تحديدا لانو انا ئلت انو بنرجع
وبنلف اللفــة .. ورنيم حكت اي هيك احسن فانت عصبت وكسرت الموبايل
يفضح ههههههههه شوكنت هبوول تخيل اكسر موبايلي منشان هيك
لو انا مكانك بطنش الوضع وفدا الموبايل affraid

هههههههه إي فعلا اشتقنا لأيام زمان
ما ؟

سؤالي المهم جدن جدن جدن هلأ هو
إمتى نازلين ع الشام Suspect

؟ عنجد إشتقنالكون كتير مو شوي Neutral

حمودة & نور = I love you

وانا كمان متل سؤال رنييم
عنجد كتيييييييييييييير اشتئنالكون طول النهار بالبيت ماعم نطلع
مافي شي بيسلي

وسؤال تاني :: ليه ماعم تبعت مسجات يادبدووب ؟

رنومة و رهوفة و نحنا كمان اشتقنالكون و الله .. إنتي و رهف و خالتي و الكل

إلي رجعة لحتى جاوب ع السؤالين

R كتب:: هههههههه إي فعلا اشتقنا لأيام زمان
ما ؟

سؤالي المهم جدن جدن جدن هلأ هو
إمتى نازلين ع الشام ؟ عنجد إشتقنالكون كتير مو شوي

حمودة & نور =

لك دبوو

مبارح مائلتلك
يوم التلاتا الجاية انشالله منكون بالشام
بدنا ننبسط كتييير
والله و انا شتئتلك كتييييييييييييييييييير

حموودة

عندي اسئلة =)

1 - مين اكتر اربعهـ بتحبهون بالعالم بعد اهلك يعني بعد ماما وبابا واخوانك وانا Razz

؟
2 - شو اكتر موقف انحرجت فيه ؟
3 - بحياتك تمنيت الموت ؟ وليش ؟ وامتى ؟
4 - شو الاغاني اللي انت بتبكي عليها pale

؟

وشكرا كتيير

سؤال رهف

ليه ماعم تبعت مسجات يادبدووب ؟

لأنو موبايلي خلص قرب يعطيكي عمرو Sad

إن شا الله بس غيره ببقى ببعتلكون مسجات متل أول و أكتر Smile

أسئلة نور

مين اكتر اربعهـ بتحبهون بالعالم بعد اهلك يعني بعد ماما وبابا واخوانك وانا ؟
إبن خالي & مرت خالي & عمتي & خالتي

شو اكتر موقف انحرجت فيه ؟
ما بتذكر موقف معين و الله
إذا تزكرت شي برجع و بكتبه إنشاالله

بحياتك تمنيت الموت ؟ وليش ؟ وامتى ؟
لا

شو الاغاني اللي انت بتبكي عليها ؟
هذا أنا - أحلام
وين مسافر - جوليا بطرس
وحدي بلا رفيق - ميادة بسيليس
الحب اللي كان - ميادة الحناوي
على قد الشوق - عبد الحليم حافظ

Surprised

شكرا على اجابتك

محمود

I love you

محمووود !,

- شو اسماء الولاد المفضلة عندك ؟
- شو اسماء البنات المفضلة عندك ؟

- لوحكولك تدخل عالجنة ,, اختار شخص واحد يدخل معك عليها ؟
- لو حكولك تدخل حدا عالنار مين بتدخل ؟

شكرا !

شو لونك المفضل ؟
شو أكتر يوم بتحبه بالأسبوع ؟
عملت شي عمليات من قبل ؟ إذا إي خبرنا شو عملت ..
شو نقطة ضعفك ؟
شو البلاد اللي زرتها ؟ و شو أكتر بلد بتحبه من الدول اللي زرتها ( من بعد قطر و سوريا و الأردن ) Cool

؟
بلد أجنبي بتتمنى تزوه ؟
بلد عربي بتتمنى تزوره ؟

أسئلة رهف

- شو اسماء الولاد المفضلة عندك ؟
عمر & فادي

- شو اسماء البنات المفضلة عندك ؟
لارا & لانا & دانا & يارا

أسئلة آر

شو لونك المفضل ؟
blak & orange

شو أكتر يوم بتحبه بالأسبوع ؟
الويك إند [ الخميس ] Embarassed

عملت شي عمليات من قبل ؟ إذا إي خبرنا شو عملت ..
إي عملت عمليتين
أول مرة عملت عملي تخيط لسان Neutral

و مرة عملية إستئصال اللوز silent

شو نقطة ضعفك ؟
النوم .. ثم النوم ، ثم النوم

شو البلاد اللي زرتها ؟ و شو أكتر بلد بتحبه من الدول اللي زرتها ( من بعد قطر و سوريا و الأردن ) ؟
زرت : لبنان و السعودية و سوريا و الأردن و البحرين .. و طبعاً أنا عايش بقطر
أكتر بلد بحبها من بعد قطر و سوريا و الأردن هي : البحرين

بلد أجنبي بتتمنى تزوه ؟
تايلند ..

بلد عربي بتتمنى تزوره ؟
فلسطين pale